“Ju garantoj që numri i të infektuarve bie për 2 javë” Pipero tregon mënyrën: Ndodh vetëm nëse…

Mjeku infeksionist Pëllumb Pipero është bërë tashmë i njohur për këshillat që jep kundër përhapjes së koronavirusit dhe si të mbrohemi prej tij.

Që prej më shumë se tre muajsh, ai herë pas here bën deklarata të forta ku përpiqet të sqarojë qytetarët për të gjithë paqartësitë që kanë.

Të njëjtën gjë ka bërë dhe mbrëmjen e sotme.

I ftuar në programin “Zonë e Lirë” ai ka kërkuar që bëhet e detyrueshme mbajtja e maskës, pasi kjo gjë do të ulte ndjeshëm numrin e të infektuarve me COVID19, madje brenda harkut kohor të 2 javëve.

“Ka ardhur momenti që ta bëjmë me detyrim ligjor maskën. Nëse më parë thoja se maska nuk duhet përdorur në rrugë, prapë ashtu thëm, por qytetarit duhet t’i bëhet mënyrë jetesë maska. Duhet ta ketë kudo me vete, në zyra, punë, lokale, supermarkete. Duhet të jemi të kujdeshëm. Nëse nuk ruajmë dot distancën 1.5 metër, duhet të vendosim maskën. Nëse maska bëhet me detyrim, ju garantoj se numrat e të infektuarve në dy javë do bien, do pjestohen me katër”, tha Pipero.