Kryetari i LZHK Dashamir Shehi ka folur së fundmi për situatën politike në vend ku ka bërë dhe një parashikim të fortë.
Sipas tij opozita do të fitojë zgjedhjet e 2021 dhe për këtë është i bindur.
Shehi ka deklaruar gjithashtu se kryeministrin Edi Rama nuk e shpëtojnë dot as listat e hapura e as ato të mbyllura.
“Kushtetutës së Shqipërisë i ka ardhur dita të ndryshohet, por i ka ardhur dita të ndryshohet për tema madhore. Mua si Dashamir Shehi i LZHK-së, nuk më trembin fare, ne do të shkojmë të hyjmë në zgjedhje dhe ne do t’i fitojmë zgjedhjet. Sido që të jetë puna, ne do të hyjmë në zgjedhje dhe do t’i fitojmë. Nuk i shpëton këto as lista e hapur dhe as e mbyllur. Po t’i pyesësh ata zotërinj të opozitës se çdo të thotë kjo punë që po bëjnë, unë e gjykoj se nuk e dinë se çfarë po bëjnë dhe se çfarë të mirë kanë shqiptarët në këtë drejtim”, u shpreh Shehi për Euro News.