I prekur nga virusi/ Përkeqësohet gjendja e deputetit Roshi

Pandemia nuk ka kursyer as politikanët në Shqipëri.

Mësohet se është përkeqësuar gjendja shëndetësore e deputetit Enver Roshi, i cili është rezultuar pozitiv me virusin në tamponin e kryer.

Lajmin e ka dhënë sot kreu i grupit parlamentar socialist Taulant Balla gjatë fjalës së tij në Kuvend.

Ndër të tjera Balla ka bërë thirrje që të respektohen rregullat dhe masat e vendosura për mbrojtjen nga COVID19.

“Sot kolegu ynë Enver Roshi është në gjendje të vështirë shëndetësore në përballjen me semundjen,…

Ndërhyn Alimadhi.

Taulant Balla: Po flas për një koleg që po kalon në të njëjtën situatë që ke kaluar ti, mos i ktheni përgjigje Alimadhit ka të drejtën e vet, por smund të shkelë në të drejtën time për të folur.

Harroje që një ballist mund të pengojëntë drejtën time për të shprehur idetë e mia.

Zonja ministre në emër të shumë klolegëve deputetë që më kanë shprehur shqetësimin e solidaritetin e tyre për të gjithë të sëmurët që janë në gjendje të vështirë, Roshi që është edhe kryetar i komisionit të Shëndetësisë në Kuvend është në një gjendje të vështirë në përballjen me sëmundjen e i uroj shërim të plotë.

Sikur të gjithëve i bëj thirrje cdo qytetari shqiptar, cdo deputeti që të respektojë rregullat e masat, është keqardhje që një deptuet që ka kaluar përmes kësaj situate të vështieë i shkel rregullat.

Përdorimi i maskës është i domosdoëshëm e ne duhet të japim shembullin e parë
dhe pse një pjesë nisin pushimet e kjo është seanca e fundit duhet që masat të respektohen kudo”, tha Balla.