I nxehti afrikan mbërrin në Shqipëri, ja kur do të shkojnë temperaturat 40 gradë

Masat e nxehta ajrore me origjinë afrikanë do të mbërrijnë në Shqipëri dhe do të sjellin mot të kthjellët me temperatura të larta gjatë kësaj jave.

Sot, e hënë, moti parashikohet me diell dhe i ngrohtë, me temperatura deri në 35 gradë celcius.

Sipas parashikimit të Shërbimit Meteorologjik Ushtarak, ditën e enjtë dhe të premte parashikohet të regjistrohen vlerat më të larta, ku temperaturat do të shkojnë 40 gradë celcius.

Era do të jetë nga veriperëndimi-perëndimi me shpejtësi 1-7m/s, e cila hera-herës përgjatë vijës bregdetare do të fitojë intensitet deri në 12m/s.