Rihapet lagjia e famshme me “drita të kuqe” në Amsterdam të Hollandës.
Ky vendim është marrë pas 2 muajve që ky biznes, në të cilën ushtrojnë aktivitetin e tyre punonjëset e seksit, ka qëndruar i mbyllur.
Por natyrisht procesi do të shoqërohet me rregulla shumë strikte.
Konkretisht, punonjëseve nuk do tu lejohet të puthen me klientët e tyre, dhe gjatë gjithë kohës do të mbajnë maska të personalizuara dhe joshëse.
Ambientet e punës do të pastrohen me kujdes, duke mos lënë asnjë sipërfaqe pa e dezinfektuar, ndërkhë që klientët do t’i nënshtrohen gjithashtu kontrollit për simptoma të COVID-19.
Edhe punonjëset e lagjes me drita të kuqe e mirëpritën vendimin për të rifilluar punën , pasi thanë se gjatë izolimit ishin përballur me vështirësi financiare.
“Gjatë izolimit shumë prej nesh patën vështirësi financiare, kështu që jemi të lumtur që po rifillojmë”, tha për “The Guardian” Felicia Anna, drejtues e sindikatës së punonjëseve të seksit.
“Kujdesemi shumë për higjienën. Ka xhel duarsh kudo dhe kemi listuar edhe pozicionet më të preferuara për t’u praktikuar. Gjithsesi nuk ka protokoll për këtë, ia kemi lënë në dorë klientit dhe punonjëses. Pasi klienti largohet, i gjithë vendi dezinfektohet, vetëm kështu mund të vazhdojmë të punojmë të sigurt”, u shpreh Janet van der Berg, nga Qendra e Informacionit për Prostitucionin.
Hollanda bën pjesë në listën e shteteve që e ka të legalizuar prostitucionin.
Gjithsej aty ushtrojnë aktivitet 7000 punonjëse seksi, të cilat paguajnë taksa.
