Përfaqësuesja e opozitës parlamentare, Rudina Hajdari ka braktisur mbledhjen e Këshillit Politik, që ka nisur në orën 18:00.
Hajdari refuzoi të jepte një deklaratë për mediat, por jashtë tyre tha:
Nuk ja vlen të qendroj në këtë mbledhje.
Tema e diskutimeve e Këshillit Politik janë ndryshimet kushtetuese, të cilat do të votohen nga mazhoranca ditën e nesërme.
Opozita e Bashkuar nuk ka rënë dakord me ndryshimet e propozuara duke thënë se ato bëhen pa konsensus dhe për avantazh të PS. Opozita parlamentare dhe mazhoranca kërkojnë të miratojnë ndryshime kushtetuese për hapjen e listave, heqjen e koalicioneve parazgjedhore dhe ndryshimin e pragut elektoral.
Opozita e Bashkuar ka propozuar amendamentin për hapjen 100% të listave të kandidatëve. Sipas saj, çdo ndryshim tjetër i njëanshëm është i papranueshëm, prish marrëveshjet e 5 Qershorit dhe 14 Janarit.