Hajdari entuziaste: Listat e hapura tashmë janë realitet

Deputetja e opozitës parlamentare, Rudina Hajdari ka folur pas përfundimit të mbledhjes së Këshillit Politik, ditën e sotme në Pallatin e Kongreseve.

Hajdari është një nga nismëtaret, e cila ka propozuar hapjen e listave, u shpreh se ndihet shumë e lumtur që të treja palët janë pro listave të hapura, si dhe nuk nguroi të falenderojë PD dhe Bashën që iu përgjigjën thirrjes së opozitës parlamentare për listat e hapura 100%.

“Pra tani kemi 3 pozicione të cilat janë pro listave të hapura. Tashmë kemi dhe iniciativë ligjore në Kuvendin e Shqipërisë që garanton hapjen e listave. Ne i kemi qendruar qendrimit tonë, dhe i qendrojmë ende, që listat të hapen 100%. Përsa i përket listave të hapura, tashmë ato janë realitet për Shqipërinë dhe shqiptarët. Më në fund PD pas shumë thirrjesh, erdhën te qendrimi ynë dhe u bashkuan te kjo kauzë. Dhe një herë faleminderit shumë për të gjitha këto përpjekje që kemi ndërmarrë së bashku. Është fakt që kemi 3 palë që po mbështesin plotësisht listat e hapura prandaj të shikojmë se si do ecim përpara, por tani jam shumë e lumtur për këtë”, u shpreh Hajdari.