Gazetarja tregon detaje nga vetëflijimi nënë e bijë: Zhaneta është gjetur në gjunjë, afër divanit

Gazetarja Anila Hoxha ka zbardhur detaje të reja në lidhje me ngjarjen e ndodhur në Kombinat, e cila tronditi mbarë opinionin, ku nënë e bijë u vetëflijuan.

Hoxha u shpreh, në emisionin Hapur, se nëna u gjend nga ekspertët mjeko-ligjorë në gjunjë, e pajetë. Zhaneta kishte qendruar më shumë se 30 ditë pa ngrënë dhe ishte ulur në gjunjë për t’u lutur, ku ka humbur dhe ndjenjat.

Që prej asaj dite, 2 korrik 2020, Zhaneta ka ndërruar jetë dhe po në atë pozicion u gjet nga ekspertët.

“Nëna është gjetur në gjunjë, afër divanit. U ul për tu lutur dhe aty humbi ndjenjat. Ekspertët e gjentën në atë gjendje. Janë gjëra shumë të rënda dhe të patransmetueshme.

Blerta është shmangur dhe nuk ka treguar se cfarë sekti ka frekuentuar në 5 vitet e fundit. Rrëfen me detaje cfarë bënin në Përmet, si u angazhua në Kishë, si erdhën në Tiranë, mbaruan në shkollën e lartë. Por Blerta nuk tregon se cfarë ndodhi më pas. Ajo thotë në zgjodhëm të shkonim në rrugën e Zotit të cilën besonim”, tha ndër të tjera gazetarja.