“Gallatat mund t’ia shisni atyre që kanë trashur dozën e alkoolit”, Murrizi i kthehet Spiropalit

Deputeti Myslim Murrizi e ka cilësuar si gallatë ndarjen e re administrative. Murrizi i është drejtuar me ironi ministers Elisa Spiropali, duke i thënë se të tilla gallata mund t’ia shesë vetëm deputetëve të opozitës dhe atyre që kanë trashur dozën e alkoolit për hir të pandemisë.

“Nuk jam fare dakord, ju mund t’iu duket gallatë, organizimi i disa drejtorive rajonale pa pas asnjë lidhje me realitetin. Qarku Berat për bujqësinë varet nga Korça, drejtoria është në Vlorë. Arsimi është vënë në Fier për të mbledhur gjithë jugun.

Aplikojnë për mësues dhe dalin të parët ata të Qarkut Fier. Arsimi i Tiranës, 1 milion e kusur banorë, varet nga Durrësi. Pra, gallata të këtij lloji mund t’ia shisni vetëm atyre që për hir të pandemisë ka trashur dozën e alkoolit dhe mund të jenë tym gjithë ditën, jo ne që jemi këtu”, tha Murrizi.