FOTO/ Kuvendi vendos sot nëse do ta shkarkojë, por ja si e nis ditën Ilir Meta

Axhenda politike e ditës së sotme do të jetë shumë e ngjeshur.

Kuvendi do të mblidhet për të vendosur nëse do të shkarkohet apo jo presidenti Ilir Meta, edhe pse komisioni i ngritur nga mazhoranca vlerësoi se Kreu i Shtetit nuk ka bërë shkelje të rënda për ta justifikuar këtë veprim.

Nga ana tjëtër duket se presidenti ka qendruar indiferent ndaj këtyre zhvillimeve.

Ai ka zgjedhur ta nisë ditën e sotme duke publikuar një foto të aktorit të mirënjohur shkodran Zef Deda duke i uruar ditëlindjen.

“Urimet më të përzemërta me rastin e 70-vjetorit të lindjes “Charlie Chaplinit” shqiptar, komedianit dhe artistit tonë të shquar, Zef Deda!

Jetë të gjatë Mjeshtër, me shëndet të plotë dhe përherë me humorin fin shkodran pranë spektatorit!

Faleminderit për çdo emocion dhe buzëqeshje që na ke dhuruar!

“Dita e mirë shifet nadje,

E ti ke le bash n’ditë t’qejfit!”, shkruan Meta.