Firmoset marrëveshja/ Rama i kënaqur: U arrit konsensusi

Kryeministri Edi Rama ka folur për mediat lidhur me marrëveshjen e 5 qershorit dhe për ndryshimet kushtetuese.

Rama u shpreh se ndihet i kënaqur nga firmosja e marrëveshjes, pasi u arrit një consensus gjithpërfshirësh.

“Kemi pasur debat për këtë pikë (5 qershorin), veçanërisht me Murrizin, sepse nuk e njeh marrëveshjen e 5 qershorit, ndërkohë që kemi pasur sinjale pozitive nga kryetarët e dy grupeve të tjera, do ishte mirë që Murrzi të bashkohej në konsensus të plotë“, tha Rama.

Ndër të tjera, kryeministri tha se nesër do të mblidhet Këshilli Politik dhe më datë 23 do të votohet në Kuvend marrëveshja e 5 qershorit, ndërsa më 30 korrik ndryshimet kushtetuese.

“I kënaqur sepse kemi arritur një konsensus të gjerë dhe total për të votuar në 23 korrik marrëveshjen e 5 qershorit. Nga ana tjetër kemi arritur dhe një konsensus të plotë jo vetëm për të hapur listat, por edhe për të vazhduar procesin gjithpërfshirës, së bashku me opozitën jashtë parlamentare, që domethënë një orë e më parë të mblidhet Këshilli Politik dhe të diskutojmë, atë që kemi hapur para pak kohe, dje, dhe tani jemi në kushtet ku duhet të diskutojmë konkretisht. Opozita jashtëparlamentare kërkonte datën e saktë, që është 23 korriku. Nga ana tjetër kemi nevojë të bashkëpunojmë për mënyrën se si do të reflektohet në kolegjin zgjedhor për atë që do të votohet në 30 korrik.

Kemi pasur debat për këtë pikë (5 qershorin), veçanërisht me Murrizin, sepse nuk e njeh marrëveshjen e 5 qershorit, ndërkohë që kemi pasur sinjale pozitive nga kryetarët e dy grupeve të tjera, do ishte mirë që Murrzi të bashkohej në konsensus të plotë. Kam bindjen që do e kalojmë ligjin. Në opozitën parlamentare nuk ka bashkësi të unifikuar, por një bashkësi individësh. Ka 48 orë kohë për të arritur të gjejmë një mbështetje sa më të gjerë.

Është parlamenti ai që ka të drejtë të vendosë për gjithcka që është përtej kornizës së 5 qershorit. Uroj që të mblidhemi në Këshillin Politik. Damianit i kam thënë që jam i gatshëm të mblidhemi në Këshillin Politik. Pra nesër ne do të ulemi në Këshillin Politik“.