LIGJET E BIZNESIT
Është arritur marrëveshja politike mes Partisë Socialiste dhe opozitës parlamentare për paktin e arritur më 5 qershor në Këshillin Politik.
Ata arritën në dakordësinë që më 23 korrik të votojnë marrëveshjen e 5 qershorit, duke theksuar se kjo ndikon pozitivisht në procesin e integrimit të vendit dhe të përmbushjes së kushtit të KE për miratimin e Reformës Zgjedhore, në përputhje të plotë me rekomandimet e OSBE/ODIHR-it.
Ndërkohë, palët nuk janë tërhequr as nga hapja e listave që sjellin ndryshimet kushtetuese, që do të votohen me 30 korrik.
Marrëveshja u arrit gjatë mbledhjes së sotme, që zgjati 60 minuta, mes kryeministrit Rama dhe tre anëtraëve të grupeve parlamentare të opozitës në Kuvend, Murrizit, Musait dhe Stojkut.
Firmosja e marrëveshjes u bë live për mediat dhe u lexua nga kryetari i Grupit Parlamentar Socialist, Taulant Balla.
E pranishme në këtë takim ishte edhe deputetja Rudina Hajdari.
