Ditën e sotme u firmos marrëveshja e e 5 qershorit. E para që doli nga Kryesia e Kuvendit është Rudina Hajdari, e cila u shpreh se ditën e sotme u arrit një fitore e madhe e opozitës dhe e qytetarëve, pasi u hodh një hap i rëndësishëm drejt demokracisë së shëndoshë.
Ndër të tjera, Hajdari i bëri thirrje opozitës jashtë parlamentare që të marrin pjesë në këtë ndryshim dhe të mos i lënë në pritje mbështëtësit e tyre.
“Jam e kënaqur që sot arritëm t’i japim premtimin shqiptarëve që zgjedhjet e ardhshme të votojnë deputetët që duan. Ky është një hap përpara për demokracinë shqiptare. Ju them që ajo që është dukur si një gjë e pamundur, sot unë jam bashkë me kolegët e mi t’ju them që unë i mbaj premtimet, jam premtimmbajtëse. Dhe nëse sot jemi këtu jemi falë qyetarëve shqiptarë dhe shoqërisë civile. Hodhëm një hap përpara drejt një demokracie të shëndoshë. I bëj thirrje opozitës jashtëparlamentare që të bëhen pjesë e trenit të së ardhmes dhe të mos i lënë ata që i mbështesin në stacionin e të shkuarës. Sot këtë unë e quaj fitore të opozitës shqiptare”, tha Hajdari.