Disa ditë pasi mbajtja e maskës u bë e detyrueshme në ambientet e mbyllura si qëllim frenimin e përhapjes së pandemisë, një mesazh i fortë vjen së fundmi nga bluzat e bardha.
Bëhet fjalë për mjekun e njohur Arben Baboci, i cili u është drejtuar të gjithëve me disa fjalë sensibilizuese.
Postimin e ka bërë ministrja e Shëndetësisë, në të cilin thuhet se duhet përdorur maska, që secili nga ne të mbrojë veten dhe njerëzit e dashur që e rrethojnë.
“Është shumë më e lehtë të mbash këtë maskë, se sa maskën e oksigjenit. Bëje për vete, për të dashurit e tu e për të tjerët që të rrethojnë”, shprehet Baboçi.