E rëndë/ Shuhet një tjetër pacient në moshë të re, ndërron jetë 42-vjeçari te Infektivi

Pandemia vijon ende të marrë jetë njerëzish në Shqipëri.

Brenda 24 orëve të fundit, ka shkuar në 5 numri i viktimave.

Sipas informacioneve ka ndërruar jetë edhe një 42 vjeçar i shtruar te Infektivi duke e çuar në 102 numrin total të personave që kanë humbur jetën me virusin.

Ministria nuk e raportoi në informimin e përditshëm, por BW bën me dije se pacienti ka ndërruar jetë që në orët e para të mëngjesit.

Ai ishte transferuar nga spitali “Shefqet Ndroqi” për shkak të komplikacioneve të rënda në frymëmarrje.

Fillimisht tampon ka rezultuar negativ, por simptomat te i sëmuri ishin shumë dyshuese për virusin.

Sipas burimeve ai vuante nga sëmundje të hershme të pulmonit.