E PAPRITUR/ “Më lejo të jap shfaqje në truallin e Teatrit” Edmond Budina ka një kërkesë për Ramën

Regjisori i njohur Edmond Budina ka bërë së fundmi një kërkesë të papritur.

Ai i është drejtuar kryeministrit Edi Rama nëpërmjet një letre të hapur duke u shprehur se dëshiron që ai të jape një shfaqje në truallin ku ngrihej Teatri Kombëtar.

Duke e konsideruar shembjen e godinës si akt barbar nga ana e shtetit, Budina thekson se artistët do të shkojnë aty me art dhe jo me eksploziv apo molotov.

“Dua të bëj shfaqje në truallin e teatrit, je i ftuar”, tha ai drejtuar kryeministrit, të cilin e konsideron pronar të hapësirave publike.

“Ky është vendi i shenjtë ku është luajtur teatër profesional gjithë kohën. Këtu duhet të jepet një shfaqje teatri për të treguar se ne nuk jemi për dhunë , por për art.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Është një pjesë që quhet “Profeti i Kokoshkave”. Ideja më ka lindur me pandeminë që ndodhi. I izoluar në shtëpi me erdhi ideja se si të realizojmë teatrin e dhomës, duke e krijuar në shtëpinë time. Ky teatër ka nevojë për një komunikim të afërt me spektatorin” u shpreh ai.

“Ju kërkoj të më lejoni të jap një shfaqje në truallin e teatrit kombëtar. Ju siguroj që nuk do të ketë eksploziv, molotov, armë, por vetëm art. Ju siguroj që shfaqja do të jetë konform rregullave të ministrisë. Duke marrë në konsideratë distancimin fizik të artdashësve. Ju kërkoj atë hapësirë të lirë publike që të bëhet art.

Jam i gatshëm t’u vë në dispozicion tekstin, ju ftoj të merrni edhe pjesë në shfaqje si spektaktor. Si pronar i këtij vendi në momentin që do të na lejojë do të zhvillojmë. Është një ide që më ka lindur me këtë pandeminë që ndodhi, i izoluar në shtëpi. E kam krijuar në shtëpi. Nëse refuzohem do të kem një hap tjetër, e kam menduar”, u shpreh Edmond Budina ndër të tjera.