LIGJET E BIZNESIT
Në seancën e sotme parlamentare, kryeministri Edi Rama ka komentuar tërheqjen e mazhorancës nga vendimi për të shkarkuar presidentin Ilir Meta, duke nxjerrë kështu si justifikim raportin e Komisionit të Venezias.
Kreu i qeverisë deklaroi se shumica kishte përdorur si pikë referimi këtë raport, në të cilin citohjej se shkeljet ishin të rëna por jo të mjaftueshme për të shkarkuar nga detyra Metën.
Ndërkohë Rama nuk i ndali akuzat ndaj Kreut të Shtetit duke thënë se e ka kthyer zyrën në një seli partish të njëanshme.
“Mund t’ju informoj mbi raportin që nuk e keni lexuar se Komisioni i Venecias ka shënuar një sërë shkeljes së presidentit. Sa për dijeninë tuaj që këndoni por nuk lexoni. E kënduar me pasion por nuk e kishit lexuar. Janë të shkruara e zeza mbi të bardhë shkeljet e Metës që flasin qartë për drejtësinë e vendimit tonë për t’ja nënshtruar këto shkelje një Komisioni Hetimor që ka bërë një punë voluminoze.
Bazuar në të gjithë analizën e raportit të Komisionit të Venecias në veprimtarinë e presidentit të Republikë e kemi parë të arsyeshme për të hyrë në këtë proces. Edhe në këtë rast është një tjetër mundësi për të parë qartë dallimin mes nesh dhe gjithçkaje që thyer gabimisht për ne. Ne e kemi lexuar me shumë vëmendje raportin e Komisionit të Venecias dhe nuk e kemi konsideruar si aneks të punës sonë por si pikë referimi.
KV thotë që se shkeljet e bëra nuk janë mjaftueshmërisht të rënda për të shkarkuar presidentin atëherë kemi parë me shumë vëmendje konstatimet që nuk na rekomandojnë të shkarkojmë presidentin por të marrim masa për të ardhmen që të kufizojnë presidentin. Për të larë presidentin me ujin e Venecias iu them që uji i Venecias nuk e ka nxjerrë të larë presdentin. Ne zgjodhëm presidentin më të mirë që mund të kishte zgjedhur opozita për veten e vetë.
As unë vetë nuk e kisha paraparë që presidenti do të ishte aq i mirë për opozitën dhe i keq për Shqipërinë. Presidentët e tjerë nuk shkuan përtej kornizës kushetuese. Përpara Ilir Metës, Bujar Nishani dukej si George Ëashington. Nëse e ndajmë Nishanin si president i intervistave dhe statuseve, ishte sekëlldi për Kushtetutën. Ndërsa Nishani i procedurave ishte absolutisht në rregull me Kushtetutën. Po jo Ilir Meta, ai e ka kthyer zyrën në seli të partive të njëanëshme.”, u shpreh Rama ndër të tjera.
