“E kam informacion të sigurt” Habit Bushati: Rama i ka dërguar njerëz Bashës, ja ku janë takuar

Realiteti politik në Shqipëri është një nga temat më të diskutuara në studio televizive.

E njëjta gjë ka ndodhur dhe mbrëmjen e djeshme, ku analisti Andi Bushati ka folur rreth një pakti mes kryeministrit Edi Rama dhe kreut të opozitës Lulzim Basha.

Sipas tij kreu i qeverisë i ka dërguar ndërmjetës Bashës për të arritur marrëveshjen në fjalë.

Ishte fillimisht kreu demokrat Basha ai që deklaroi publikisht se Rama i kishte propozuar që ai të merrte karrigen e kryeministrit me kushtin që kreu i socialistëve të vendosen në postin e presidentit.

Duke folur për ndërmjetësit, Bushati u shpreh mbrëmë në programin “Open” se Basha nuk është takuar me tan ë ndonjë lokal apo zyrë, porn ë vilën e tij që ndodhet në zonën periferikë të Tiranës.

”E kam informacion të sigurt, Rama i ka dërguar njerëz Bashës dhe nuk janë takuar në lokal por te vila e Bashës. Këtë as Basha nuk duhet ta thoshte se pastaj dalim aty ku thotë Karloja që Rama nuk do të prishë koalicionet. Mua nuk më duket Rama person që ndan pushtet, thjesht po tallet me këdo”- tha Bushati.

Ndërkohë nga ana tjetër kryeministri i ka mohuar këto skenare, pasi ka thënë që kryeministër Basha nuk mund të bëhet me dëshirën e tij por me anë të votës së qytetarëve dhe rezultatit në zgjedhje.