LIGJET E BIZNESIT
Duket se Partia Socialiste është më e vendosur se kurrë për të kaluar Reformën Zgjedhore në seancën e 23 korrikut, një javë para afatit.
Menjëherë pas Kuvendit sot, forca më e madhe politike në vend ka mbledhur grupin parlamentar, ku janë diskutuar hapat që duhen ndjekur.
Burime nga mbledhja e grupit socialist bëjnë me dije se kjo marrëveshje do t’i prezantohet komisionit të ligjeve javën që vjen, në mënyrë që të hidhet në votim në seancën e 23 korrikut.
“Nuk duhet të humbasim asnjë ditë, por ta çojmë përpara marrëveshjen e dakordësuar. Duhet miratuar drafti i Reformës Zgjedhore”, mësohet të ketë thënë Balla.
“Në datën 23 korrik ne do të kemi vullnetin për të votuar Kodin Zgjedhor të ri sipas marrëveshjes. Ndërkohë, respektojmë vendimin e opozitës parlamentare në kërkesat e saj për përmirësimin e Reformës Zgjedhore në Shqipëri”, ka shtuar ai ndër të tjera.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
