Partia Demokratike në Lezhë ka propozuar si kandidat për deputet Gjin Gjonin.
Kujtojmë se ky i fundit dha dorëheqjen nga detyra si gjyqtar i Apelit të Tiranës vetëm ditën e djeshme.
Ndërsa më 17 korrik ai kishte paraqitur pranë Këshillit të Lartë Gjyqësor kërkesën për dorëheqje të parevokueshme.
Si arsyetim Gjoni përdori akuzat e forta ndaj Vettingut, ku tha se ky organ i rëndësishëm i drejtësisë po përdoret nga politika, dhe po shkarkohen ata që nuk i shërbejnë kësaj fushe.
Në kërkesën e tij për dorëheqje nga detyra ai thotë se komisioni vlerësues për të “është në një nivel që lë shumë për të dëshiruar”.
“E vetmja mënyrë që ka mbetur për t’i shërbyer publikut është të dorëhiqem dhe të përballem në mbrojtje të interesit publik duke qenë në ballë të luftës për drejtësi, duke mos lënë padrejtësinë të marrë përpara këdo vetëm nga frika e ‘pushkatimit pa gjyq.
Qëndrimi im ndaj standardeve dhe vetë sistemit të drejtësisë do të jetë nga sot e tutje jo vetëm i njëjti por do të vijoj betejën në të gjitha dimensionet dhe mundësitë për t’i shërbyer vlerave dhe parimeve që i besoj dhe që i shërbeva deri më sot”, ka theksuar Gjin Gjoni në kërkesën e tij.