Situata e krijuar nga pandemia në Shqipëri vijon të jetë serioze.
Kështu, Bashkia e Malësisë së Madhe është mbyllur pasi 2 punonjës të këtij institucioni kanë dalë pozitivë pas testit të kryer.
Ndërkohë priten përgjigjet për 9 punonjës të tjerë, të cilët janë kontakte të të infektuarve.
Menjëherë pas mbylljes së godinës, është bërë dhe dezinfektimi i ambienteve.
Javën e ardhshme pritet që Bashkia e Malësisë së Madhe të hapet sërish.
Kujtojmë se në këtë zonë ka 4 të infektuar dhe pandemia i ka marrë jetën dhe një personi.
