“Duhen 12 vjet eksperiencë që të bëhesh diplomat” Bushati kundër emërimit ambasadore të vajzës së ish-ministrit

Ministri i Jashtëm në detyrë Gent Cakaj përpara pak kohësh shkarkoi nga detyra ambasadoren shqiptare në Greqi Ardiana Hobdari.

Më pas emri që u propozua për të zënë vendin e saj është Luela Hajdaraga, vajza e ish-ministrit socialist të Mbrojtjes Luan Hajdaraga.

Ndërkohë ish-ministri i Jashtëm Ditmir Bushati ka dalë hapur kundër këtij emërimi.

Sipas tij ky proces është i paligjshëm, pasi duhen 12 vite eksperiencë që të bëhesh diplomat.

“Nga viti 1923 kemi patur diplomatë të spikatur, duhet eksperiencë 12 vje֛are që të bëhesh diplomat. Pse u ndryshuar praktika 100 vjeçare? Duhet te kemi arsyetim si komision pse po bëjmë ndryshim, prisja nga sekretari i përgjithshëm reagim për nëpërkëmbjen që po i bëhet diplomatëve në media”, tha Bushati në seancën dëgjimore të Komisionit të Jashtëm.

“Duhet të mbështesim brezin e ri me energji të reja si Luela por është e rëndësishme që procesi të jetë i shtrirë në traditën 100 vjeçare ose të ndryshojmë traditën, të ndryshojmë dhe ligjin dhe të jemi të qetë në ndërgjegjen tonë”, është shprehur ish-ministri.