“Do jenë më të padrejtat në histori” Trump i vendosur: Të shtyhen zgjedhjet presidenciale

Një deklaratë e fortë vjen së fundmi nga presidenti i SHBA Donald Trump.

Ai ka kërkuar që të shtyhen zgjedhjet e nëntorit të këtij viti.

Trump ka përmendur mashtrimet e mundshme me postë elektronike që mund të ndodhin, dhe cilësoi faktin që këto zgjedhje mund të jenë më të padrejtat në historinë e politikës.

“Me votimin universal me postë (jo votimi në mungesë, i cili është i mirë), zgjedhjet 2020 do të jenë më të pasaktat dhe më të padrejtat në histori. Do të jenë turp i madh për SHBA-në. Shtyrja e zgjedhjeve derisa njerëzit të mund të votojnë siç duhet dhe sigurt?”, shkroi Trump në Twitter.

Kujtojmë se rivali i tij që do ta sfidojë në zgjedhjet presidenciale është Joe Biden, nga rradhët e Partisë Demokratike.