LIGJET E BIZNESIT
Ditë historike kjo e sotmja për politikën shqiptare.
Parlamenti sapo ka miratuar me 106 vota pro ndryshimet Kushtetuese.
Kështu, do ti hapet rruga listave të hapura dhe riorganizimit të koalicioneve partiake përpara zgjedhjeve elektorale.
Sipas sekretarit të votimit në proces morën pjesë 116 deputetë.
Gjatë seancës së sotme kryeministri Edi Rama mbrojti dhe njëherë ndryshimet Kushtetuese duke thënë se votimi i tyre do të thotë të jesh në krahun e duhur të historisë dhe forcimit të demokracisë në vend.
Ai bëri dhe një thirrje për ndërkombëtarët duke thënë se i takon shtetit shqiptar se çfarë bën me sistemin zgjedhor. “Nuk është një vendim që duhet ta ndajmë as me ambasadoren amerikane dhe me askënd tjetër, duke i respektuar maksimalisht”, u shpreh Rama.
