Dita nis me aksidente/ Makina përplas këmbësorin, humb jetën rrugës për në spital

Një aksident i rëndë ka ndodhur mëngjesin e sotëm në Vlorë.

Mësohet se një kalimtar është përplasur nga makina në lagjen “10 korriku” dhe nuk ka mundur ti mbijetojë plagëve të marra.

Ai ishte duke u kthyer nga pazari kur u përplas nga automjeti tip “BMW”.

Fillimisht i plagosuri është transportuar me urgjencë ër mjekim në spital por si pasojë e plagëve të marra ka ndërruar jetë rrugës.

Policia dhe grupi hetimor kanë mbërritur në vendngjarje dhe po hetojnë për zbardhjen e plotë të rrethanave të aksidentit.