Dëmet e tërmetit/ Bashkia Durrës njofton qytetarët: Paraqituni për të firmosur kontratën

Bashkia e Durrësit i bën njoftim qytetarëve përfitues të grantit për rikonstruksion, që të paraqiten pranë njësive administrative për firmosjen e kontratës përkatëse.

Bashkia bën me dije se qytetarët duhet të paraqesin numrin e llogarisë bankare dhe fotokopjen e kartës së identitetit.

Njoftimi i plotë:

Bashkia e Durrësit njofton të gjithë qytetarët përfitues të grantit për rikonstruksion të paraqiten pranë njësive administrative respektive për të firmosur kontratën përkatëse.

Të gjithë këta qytetarë duhet të paraqesin këto dy dokumenta:

Fotokopje e IBAN (numri i llogarisë bankare).

Fotokopje e kartës së identitetit.

Ftojmë të gjithë këta qytetarë të paraqiten pa vonesë pranë njësive administrative për të përfituar sa më parë grantin përkatës sepse fondi është akorduar nga qeveria shqiptare.