Ka nisur mbledhja e Këshillit Politik për Reformën Zgjedhore në ambientet e Pallatit të Kongreseve.
Të gjithë të pranishmit janë të maskuar, ku nga pamjet brenda duken të gjithë anëtarët e maskuar, nga kryeministri Edi Rama e deri tek Damian Gjiknuri.
Takimi ka nisur që prej orës 11:00 për të diskutuar rreth ndryshimeve Kushtetuese të miratuara nga Komisioni i Ligjeve për hapjen e listave dhe heqjen e koalicioneve përpara zgjedhjeve.
Nga ana tjetër presidenti Ilir Meta nuk e ka konfirmuar ende pjesëmarrjen.
Më herët mazhoranca pranoi kërkesën e opozitës parlamentare, e përfaqësuar në Këshillin Politik nga Myslim Murrizi, për hapjen e listave dhe shtoi kërkesën e saj për heqjen e koalicioneve parazgjedhore. Këto ndryshime shkaktuan reagimin e ndërkombëtarëve dhe të vetë opozitës që i cilësoi ato si “përpjekje të kryeministrit Rama për të kapur zgjedhjet e ardhshme”.
As kryetari i Partisë Demokratike Lulzim Basha nuk ka shkuar vetë por ka dërguar sekretarin e partisë Gazment Bardhi, Oerd Bylykbashin dhe Petrit Vasilin si përfaqësues.
