Bota e pushtuar nga pandemia/ OBSH del me një paralajmërim të ri, ja çfarë thotë

Në kohën që pandemia e COVID19 është kthyer në një rrezik për mbarë botën prej më shumë se 6 muajsh, Organizata Botërore e Shëndetësisë nuk i ndal deklaratat.

Së fundmi ky institucion i rëndësishëm ka lëshuar një tjetër paralajmërim, duke thënë se pandemia është duke u zgjeruar më shumë sesa në kohën kur ka shpërthyer virusi.

Konkretisht, vetëm SHBA ka raportuar 50.000 raste të reja më 1 korrik, brenda një dite.

Ndërsa të dhënat e OBSH tregojnë se shkalla e infektimit javën e kaluar ka arritur nivelin më të lartë.

Vetëm Shtetet e Bashkuara më 1 korrik, kanë raportuar 50,000 raste të të infektuarve brenda ditës.

Shkalla e infektimit javën e kaluar ka arritur në nivelin më lartë, kanë treguar të dhënat e OBSH-së.

Shefi i kësaj Organizate, Tedros Adhanom Ghebreyesus, ka thënë se numri i rasteve të infektimit brenda ditës ka arritur në mbi 160,000 në nivel global.

Rritja e numrit të të infektuarve ka detyruar zyrtarët amerikanë, sidomos në shtetet jugore dhe ato perëndimore, që të kthejnë mbrapsht vendimet për hapje të restoranteve dhe plazheve, në prag të shënimit të pavarësisë së SHBA-së më 4 korrik.

Përhapja e infeksioneve në SHBA u shoqërua me paralajmërime nga eksperti kryesor amerikan për sëmundjet infektive, Dr. Anthony Fauci, i cili tha në një seancë informimi në Senat se ritmet e përhapjes së infeksionit mund të arrijnë në 100 mijë raste të reja në ditë nëse nuk merren masa.

“Pa diskutim, për momentin nuk e kemi problemin nën kontroll,” tha Dr. Fauci. Ai paralajmëroi se reagimi me masa të përqëndruara vetëm tek shtetet që aktualisht po regjistrojnë keqësim të problemit, “e vë të tërë vendin në rrezik”.