LIGJET E BIZNESIT
Blerta është vajza e vetme e mbijetuar e familjes Josifi, historia e së cilës tronditi mbarë opinionin publik javën e kaluar.
Ndërkohë është zbardhur dhe dëshmia e 34-vjeçares, e cila tentoi të vetëflijohej në banesën e saj në zonën e Kombinatit në Tiranë, së bashku me nënën e saj Zhanetën, duke mos u ushqyer për disa ditë me rradhë, por që në fund për fat të mirë arriti të mbijetonte.
Nga dhoma e spitalit, ajo ka folur duke treguar përpara hetuesve fakte tronditëse, gati të paimagjinueshme se si besonin te ringjallja të gjithë si familje.
Blerta shtoi se këtë hap e mori e para motra Anisa, e cila prej 15 muajsh qëndronte e pajetë në banesë, ndërsa Blerta dhe nëna e saj e lyenin trupin me vaj e uthull.
“Qe kur isha 15 vjeçe kam ndjekur “Dëshmitarit e Jehovait”. Më vone kemi qene edhe ne kishën Ungjillore. 2 vitet e fundit u shkëputëm dhe nuk shkonim ne asnje kult fetar por besonim ne ringjallje dhe i kryenim ritet ne banese. Ritet e ringjalljes fillimisht i nisi Anisa ne fillim te vitit 2019. Qëndroi duke u lutur dhe pa ngrenë gati 2 muaj deri ne mars te 2019 ku ra ne gjumë te thelle sepse u pushtua nga demonët. Motrën e lyenim me uthull se keshtu na meson bibla jone”, tha ajo.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Më pas ajo tregoi se pasi motra e saj ra në gjumë, sakrificën e këtij besimi e nisi ajo me nënën e saj, Zhanetën. Blerta pohoi se të dyja nënë e bijë, konsumonin vetëm ujë të filtruar në napa dhe asgjë tjetër.
“Një vit pasi motra ra në gjumë nisem sakrificën unë dhe mami. Pinim vetëm ujë të filtruar në napa dhe nuk konsumonim ushqim. Gjithë ditën luteshim për të kthyer në jetë motrën. Në ditët e para të korrikut mami ra pa ndjenja në mes të dhomës ku po lutej. Ndërsa unë vazhdova ritin derisa erdhi policia”, pohoi Blerta, dëshmia e të cilës është tejet tronditëse.
