Basha bën premtimin e madh nga Kosova: Sa të bëhem kryeministër do heq taksën e Rrugës së Kombit

Kryetari i Partisë Demokratike Lulzim Basha ndodhet aktualisht në një vizitë dy ditore në Kosovë.

Ndërkohë ai ka zhvilluar një konferencë të përbashkët me kryeministrin Avdullah Hoti ku ka bërë dhe një premtim të rëndësishëm.

Basha ka thënë gjatë fjalës së tij se një nga vendimet e para si kryeministër i Shqipërisë do të jetë heqja e traut në “Rrugën e Kombit”.

Sipas liderit demokrat ky është një vendim i padrejtë që rëndon ekonominë e Kosovës dhe Shqipërisë.

“Ne vazhdojmë të themi potencialet janë të mëdha, që në fakt është mënyrë e sjellshme për të thënë që nuk kemi bërë aq sa duhet akoma, por ju siguroj se te PD do të keni një partner të devotshëm që ato punë që i kemi nisur, si rruga e Kombit dhe liberalizimi ekonomik në të dy anët e kufirit të vazhdojnë edhe më tej. Një ndër vendimet e para të mia si kryeministër i ri i Shqipërisë do të jetë heqja e traut në Rrugën e Kombit. Një vendim i padrejtë që rëndon ekonominë e Kosovës dhe të Shqipërisë”, është shprehur Basha.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern