Ishte prej kohësh në kërkim nga policia, por ka marrë fund arratia e Agim Kajmakut.
Tashmë ish-kryebashkiaku i Vorës është arrestuar dhe ndodhet në ambientet e Drejtorisë së Policisë në Tiranë.
Kajmaku kërkohëj që nga 11 nëntori i 2019, pasi Prokuroria firmosi urdhër-arrestin për të.
Ai u denoncua fillimisht nga PD se kishte fshehur dënimin në Greqi.
Kajmaku nuk e kishte deklaruar këtë gjë në formularin e dekriminalizimit, por pas publikimit të fakteve u shkarkua nga detyra pak muaj pasi ishte bërë kryebashkiak.
Por edhe pse KQZ e largoi nga detyra, Agim Kajmaku vijoi të ushtronte funksionin e tij, duke firmosur shkarkimin e dy nënkryetarëve të Bashkisë Vorë, Laureta Omerni dhe Hekuran Brahimajn dhe duke zgjedhur Gent Picarin në këtë post, i cili u shkarkua më vonë.
Prokuroria e akuzon ish-kryebashkiakun për 3 vepra penale “Falsifikim i vulave, stampave ose formularëve”. “Falsifikim i dokumentave” dhe “Kryerja e funksionit pas dhënies fund të detyrës”.
