Mëngjesin e djeshem Vlora u trondit nga disa të shtëna me breshëri automatiku.
Ngjarja ndodhi në lagjen “10 korriku” ku një 36 vjeçar me iniciale Xh.S qëlloi në ajër, në lokalin pranë një karburanti.
Ndërkohë policia ka dhënë njoftimin zyrtar ku bën me dije se është arrestuar autori, i cili ka qenë në gjendje të dehur kur ka hapur zjarr.
Për fat të mirë nuk ka persona të lënduar nga ngjarja.
NJOFTIMI ZYRTAR I POLICISE
Në lagjen “10 Korriku”, Vlorë, shtetasi Xh. S., 36 vjeç, banues në Vlorë, i cili ka qenë nën efektin e pijeve alkoolike, dyshohet se ka qëlluar një herë me armë zjarri në ajër, në lokalin pranë një karburanti.
Shërbimet e Policisë, me marrjen e njoftimit kanë shkuar menjëherë në vendngjarje duke bërë të mundur prangosjen e autorit të dyshuar të ngjarjes, shtetasit Xh. S.
Materialet iu referuan Prokurorisë Vlorë për veprën penale “Mbajtja pa leje dhe prodhimi i armëve, armëve shpërthyese e municionit” dhe “Kanosja”.