Dy prej lojtarëve të ekipit të Partizanit kanë rezultuar të prekur nga pandemia.
Ata kanë shfaqur simptomat e virusit dhe pas kryerjes së testit kanë rezultuar pozitivë. Bëhet fjalë për mbrojtësin rumun Deian Boldor dhe mesfushorin shqiptar nga Maqedonia Besnik Ferati.
Klubi i Partizanit njofton se të dy lojtarët janë në gjendje të mirë shëndetësore dhe janë vetkarantinuar. Sipas rregullave të vendosura para hapjes së kampionatit, pritet që e gjithë pjesa tjetër e klubit të kryejë testin për koronavirusin.
Njoftimi i klubit të Partizanit:
FK Partizani njofton se dy prej pjestarëve të ekipit Deian Boldor dhe Besnik Ferati, kanë rezultuar sot pozitiv me virusin. Lojtarët ditët e fundit kanë shfaqur simptomat e para dhe menjëherë i janë nënshtruar testimit të tamponit nga ku kanë rezultuar pozitiv. Testimit të tamponit i nënshtruar edhe lojtari tjetër Amir Bilali, i cili ka rezultuar negativ. Boldor dhe Ferati fatmirësisht gëzojnë gjendje shëndetësore të mirë dhe janë vetëkarantinuar në banesat e tyre. Ndërkohë asnjë lojtar dhe pjestar tjetër i ekipit nuk kanë shfaqur simptoma. Klubi ka marr të gjitha masat dhe ka zbatuar me rigorozitet protokollin shëndetësor të Federatës Shqiptare të Futbollit dhe ISHP (Insituti Shëndetit Publik) dhe do të vijojë ti përmbahet udhëzimeve për pjesen tjetër të skuadrës dhe stafit.
