LIGJET E BIZNESIT
Pas miratimit të ndryshimeve Kushtetuese në Kuvend, ka ardhur dhe reagimi i presidentit Ilir Meta.
Ky i fundit ka mbajtur një qëndrim mjaft të ashpër ndaj këtij procesi, duke e quajtur si një akt anti-kushtetues dhe të papranueshëm.
Në reagimin e tij Kreu i Shtetit nuk ka lënë pa sulmuar dhe kryeministrin Edi Rama duke thënë se e ka ftuar popullin shqiptar në një përballje historike dhe është mburrur se është djali i komunistit që vari në mes të Kukësit poetët për fjalën e lirë.
“Akti i sotëm i ndryshimit të njëanshëm dhe me urgjencë të pajustifikueshme të Kushtetutës nga Kuvendi me legjitimitet të cunguar, është antikushtetues dhe i papranueshëm!
Ndryshimi i dhunshëm i Kushtetutës asgjesoi marrëveshjet konsensuale të 14 Janarit dhe të 5 Qershorit që mundësuan një proces dhe produkt gjithëpërfshirës, duke hedhur përsëri në erë mirëbesimin ndërmjet palëve, paqen sociale në vend dhe procesin e integrimit europian të Shqipërisë”, thuhet në reagimin e Presidentit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në vijim ai thekson se retorikat oportuniste dhe hipokrite të disa ndërkombëtarëve shkojnë kundër aspiratës dhe projektit strategjik të shqiptarëve për të ndërtuar një të ardhme europiane.
“Asnjë bandë pengmarrëse s’do të mund t’i shpëtojë përgjigjes së merituar që do të marrë nga forca e qytetarëve të bashkuar kundër këtij grushti shteti.
Presidenti i Republikës si gjithmonë do të jetë në krye të detyrës në mbrojtje të Kushtetutës, të drejtave të patjetërsueshme dhe vullnetit të qytetarëve për të marrë në dorë fatet e tyre.
Edi Rama e ftoi sot popullin shqiptar në një përballje historike. Ai u mburr sot se është djali i komunistit që vari në mes të Kukësit poetët për fjalën e lirë.
Ne shqiptarët do t’i përgjigjemi shqiptarisht deri në fund”, shprehet Meta.
