Aksident i rëndë në qendër të Tiranës, makina përplas fëmijën 6 vjeç

Një aksident i rëndë ka ndodhur sot paradite në qendër të Tiranës.

Mësohet se një makinë ka përplasur një fëmijë 6 vjeç në rrugën e “Durrësit”.

Ndërkohë policia ka dhënë njoftimin zyrtar për ngjarjen ku bën me dije se më datë 20.07.2020, rreth orës 10:30,  në rrugën e “Durrësit”, mjeti me drejtues A.A., 48 vjeç, ka aksidentuar fëmijën e mitur me iniciale D. B, 6 vjeç, i cili u dërgua në spital dhe ndodhet nën kujdesin e mjekëve.

Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.