LIGJET E BIZNESIT
Një alarm i fortë vjen së fundmi nga guvernatori i Toscanës në Itali, Enrico Rossi.
Ky i fundit ka kërkuar bllokimin e fluturimeve nga Shqipëria, pasi sipas tij po bëhen shkak për përhapjen e pandemisë.
Sipas mediave vendase, raportohet se gjatë 24 orëve të fundit, në Toscana janë konfirmuar 16 raste të reja, ky 13 prej tyre erdhën nga Tirana dhe një nga Ekuadori.
“Qeveria duhet të ndërhyjë, në veçanti ministritë e Brendshme dhe Shëndetësisë. Nëse gjurmimi i pasagjerëve dhe mbikëqyrja aktive e tyre nuk është e mundur, do të ketë vetëm një mundësi: bllokimin direkt të fluturimeve”, ka kërcënuar guvernatori Rossi.
Ndërkohë, menjëherë pas konfirmimit të rasteve të infeksionit, që vinin nga Tirana, guvernatori i rajonit të Toscanas ka kontaktuar me konsullatën e Shqipërisë, duke i kërkuar të kontrollojë udhëtarët, që të respektojnë masat, si dhe duke urdhëruar rikthimin e detyrueshëm 14-ditor të karantinës.
Më tej, me tone të ashpra guvernatori është shprehur se qeveria italianë duhet të lëvizjë menjëherë, për të bërë gjurmimin e këtyre rasteve, siç thekson Rossi “për të penguar çdo shpërthim të ri të virusit”.
Lajmi ne origjinal: https://www.ilgiornale.it/news/politica/allarme-rossi-toscana-governo-intervenga-o-chiudo-aeroporti-1878303.html
