Zbutja mes Rames dhe Metës, Komisioni i Ekonomisë voton kandidaturën e Presidentit për kreun e KLSH

Duket se marrëdhëniet mes kryeministrit Edi Rama dhe presidentit Ilir Meta janë drejt zbutjes.

Mësohet se së fundmi Komisioni i Ekonomisë ka pranuar emrin e Arben Shehut, që Meta propozoi në krye të KLSH.

Më pas emri i miratuar dhe nga mazhoranca, do të kalojë në Kuvend.

Kujtojmë se më herët u refuzuan dhe tre të tjerë, të cilët janë Vitore Tusha, Bahri Shaqiri dhe Petraq Milo.

Në arsyetimin e tij, Meta rendit faktin që Arben Shehu plotëson të gjitha kushtet dhe kriteret ligjore për tu emëruar në këtë pozicion.

Shehu ka eksperiencë të gjatë në fushën e së drejtës dhe pedagogjisë.

Gjatë eksperiencës mbi 16 vjeçare në jetën akademike, Shehu është një ndër njohësit më të mirë të drejtësisë penale. Ai është diplomuar gjithashtu edhe në fushën e e ekonomisë dega “Administrim Biznesi”, me një eksperiencë të gjatë akademike, kërkime dhe shkrime shkencore, por edhe përvojë të spikatur në zbatimin e ligjit, si ushtrues aktiv i profesionit të avokatisë.