Ministri i Diasporës, Pandeli Majko ka marrë fjalën, në mbledhjen drejtpërdrejt, që po zhvillohet me Këshillin Koordinues të Diasporës. Ata po diskutojnë për mundësinë e votimit të emigrantëve.
Majko ka sqaruar “përçarjen” me Gjiknurin dhe ka thënë se është thjesht një teknikë e përdorur.
Ministri tha se vota e emigrantëve është një e drejtë e panegociueshmë, ku Tirana është duke ndjekur shembullin e Zagrebit.
“Dua të bëj një korigjim se dëgjoj se votimi i emigrantët, janë shtetas që jetojnë jashtë vendit. Unë i bashkohem opinionit se e drejta kushtetuese nuk ka nevojë për negociata. Është një drejtë e rëndësishme. Ideja jonë nuk kishte një ide alla shqiptarçe. U diskutua që arriti në këtë përfundim. Ne ja kemi çuar komisionit të reformës që në vitin 2019. Në qoftë se kemi pasur një model përçarës ne me zotin Gjiknuri, nuk është kështu, ishte thjesht teknik.
Ka shuëm rëndësi që komisioni qendror i zgjedhjeve të zbatojë dispozitat ligjore, jo të diskutojë. Besoj një avokate më të mira që ne kemi Brikena Muharremi është e gatshme të diskutojë me zotin Gjiknuri.
Ajo që tha zoti Gjiknuri në Tiranë është pak a shumë i njëjti model që kanë në Zagreb. Jemi te kënqur të themi që në zgjjedhjet e ardhshme shtetasit tani jashtë vendit të votojnë për të ardhmen e vendit. Jemi pak të vonuar, po besoj na justifikoni”, tha ndër të tjera Majko.
