Në kohën që pandemia e COVID19 vijon të jetë ende aktive në vendin tonë duke shkaktuar një numër të konsiderueshem të rasteve të reja dita-ditës, ka bërë që shumë ekspertë të shëndetësisë të japin opinionin e tyre.
Së fundmi është specialistja e Institutit të Shëndetit Publik dr.Silva Bino e cila ka bërë me dije se virulenca dhe gripi nuk kanë rënë ende.
Madje ajo ka shtuar në një prononcim për ABC News se vjeshta dhe dimri do të na përballë me dy sëmundje.
Sipas saj ato janë COVID19 dhe gripi dhe duhet të përgatitemi për më të keqen.
“Virulenca e virusit nuk ka rënë, format klinike të sëmundjes mbeten të rënda. Vjeshta apo dimri do të përballë me dy sëmundje, me koronavirusin dhe gripin. Kombinimi i këtyre dy sëmundjeve që kanë shenja klinike të ngjashme do të shtojë numrat, por edhe kërkesën për shërbime mjekësore.
Do të shihet nëse këto dy viruse do të jenë në garë me njeri-tjetrin apo dikush t’i zërë vendin tjetrit. Mbetet për tu parë. Ne duhet të përgatitemi për më të keqen”, u shpreh Bino gjatë fjalës së saj.
