Vajza e Lasgush Poradecit kritika të ashpra ndaj testit të maturës shtetërore

Vajza e Lasgush Poradecit, Marie ka kritikuar ashpër hartuesit e provimit të maturës së letërsisë.

Me një postim në rrjetin social Facebook, vajza e poetit shpreh kritikën e saj duke theksuar që “ata që bëjnë testet janë komplet injorantë”.

Ja çfarë shkruan vajza e poetit:

Siç edhe e ka theksuar më lartë, asnjëra nga alternativat nuk është kuptimi i fjalës “dlirnja”.

Nërkohë, në postimin e saj të shumta kanë qenë dhe komentet, ku kanë reaguar ndjekësit e saj.

Njera prej komentuesve shkruan se: Dlinja është një ndër neologjizmat e Poradecit.

Ndërkohë një tjetër komentues shkruan se: Maturantët kanë të drejtë, pasi asnjë poet nuk mund të shpjegohet online, aq më pak Lasgushi që çdo varg e ka metaforë.

Në postimin e të bijës së Lasgushit ka komentuar edhe Prof.Kristaq Jorgo:

Ajo “t’i dlirnja” – në kontekstin e së tërës – nuk është ‘një fjalë’, është një univers i thellë domethëniesh, i cili, në rastin MË PAK të mirë, por haj le të themi ‘të pranueshëm’ për nivelin e dhënë, do të mund të dlirësohej sadokudo jo me një tjetër ‘fjalë’, por me një fjali a, më mirë, periudhë e jo pak të ndërlikuar.                  

Ndërkaq, sa i takon pyetjes që shtron, e dashur Marie,  e ke ‘gabim’, pse të zbutur gjykimin:                                                              

Ato/ata që hartojnë pyetje e teste të tilla, me DËMET që sjellin, nuk janë për TURP, JANË  për SPAK! Nuk po flas figurativisht. E kam fjalën për një strukturë, e cila do të duhej të gjykonte e dënonte krimet e rënda ndaj kulturës, arsimit shqiptar e formimit të brezave.