Një nga moderatoret e emisionit “Pop Culture”, Anxhela Baxhija deklaroi se për të kjo javë ka qenë e tmerrshme. Lidhur me abuzimin e 15-vjeçares, moderators Baxhija i është rikthyer në kujtesë historia e saj kur ishte 15 vjeçe.
Ndërkaq, në një bisedë në studio, moderatorja ka treguar historinë e hidhur, se di një person i panjohur e ndoqi në lagje dhe se nuk e ndihmoi askush.
Anxhela shprehet se nuk dinte ç’të bënte, edhe pse bërtiste po askush nuk i ktheu kokën që të shihte se ç’po ndodhte.
“Kjo javë për mua ka qenë e tmerrshme sepse më është kujtuar edhe një histori e imja. Kur kam qenë 15 vjeç kanë tentuar të abuzojnë me mua. Më kanë ndjekur me vrap në lagje. Teksa kam dal për në dyqan të blija një salcë makaronash siç më porositi ime më. Në momentin që dal nga dyqani ndjej hapa që vinin drejt meje, së pari mendova se ishte person i lagjes që po shkonte në shtëpi gjithsesi i shpejtova hapat e mi. Më pas kuptova që ky njeriu jo thjesht shpejtoi hapat njësoj si unë por nisi një vrap të lehtë.
Nuk dija ç’të bëja, ndalova dhe po bërtisja por asnjeri në rrugë nuk ktheu kokën të shihte ç’po ndodhte dhe pse një vajzë 15 vjeç e veshur me T-shirt dhe një palë tuta po bërtiste si e çmendur në lagje. Gjithçka që më erdhi ndërmend ishte: Zhduku se do të thy.ej këtë qelqin në kokë dhe largohu se kam babin polic, ndërkohë që babi nuk ishte pólic”, u shpreh Anxhela.
