Pas gjyqit të ish-ministrit të Brendshëm Saimir Tahiri ka reaguar gazetari Arjan Çani. Npërmjet një postimi në rrjetet sociale, Çani i kërkon Tahirit të tregojë se kush kërkon t’ia bëjë “gropën”, pasi pretendon se çështja e tij është e montuar.
Ndër të tjera, gazetari i kujton se nuk ka më çfarë të humbasë, prandaj të tregojë emra, ndryshe fundi për të do të jetë i tmerrshëm.
“Koha që Sajme Tahiri të tregojë kush nga partia e tij kërkon t’i bëjë gropën me patjetër. Para dy vitesh, ai e dinte dhe e ka depozituar provën diku. Koha urgjent për t’ia thënë dhe publikut. Nëse nuk e bën, atëherë fundi i tij do të jetë i tmerrshëm. I mbyturi duhet të mbysë patjetër atë që e shtyu të mbytej. Jepi Sajme. Mos ki më asnjë dilemë. Çdo ditë që kalon në heshtje e ke totalisht në disfavor. Jepi Sajme,”-shkruan Çani.
Apeli i GJKKO-së rrëzoi dënimin e dhënë nga Shkalla e Parë. Saimir Tahiri sot priste vendimin për pafajësi, por ngjarjet ndryshuan totalisht. Iu rrëzua dënimi dhe do të përballet sërish me statusin e të pandehurit.