Ka ardhur edhe viktima e parë në nivel drejtuesish shtetesh shkaktuar nga virusi COVID-19.
Bëhet fjalë për presidentin e Burundit, Pierre Nkurunziza, i cili sipas autoriteteve vendase e humbi jetën pak ditë pasi ishte diagonistikuar me koronavirus.
Një burim nga spitali ku vdiq Nkurunziza tha për AFP se Presidenti kishte probleme të rënda me frymëmarrjen prej ditësh dhe kreu i Shëndetit Publik të Burundit kishte kërkuar që i vetmi ventilator dhe i gjithë shërbimi reanimator të ishin në dispozicion të Presidentit.
Në Afrikë, virusi nuk ka goditur aq fortë siç ka bërë në Azi, Europë apo në Amerikë.
