Tmerroi një Tiranë të tërë, ndërron jetë ‘i forti’ Nehat Kulla

Është ndarë nga jeta në moshën 67-vjeçare Nehat Kulla.

Ai njihet ndryshe edhe me nofkën “Gjenerali”, ndërkohë mësohet se ka ndërruar jetë për shkaqe natyrale në shtëpinë e tij në Tufinë.

“I forti” Nehat Kulla drejtoi një ndër bandat më të njohura në Tiranë dhe Shqipëri gjatë vitit 1997.

Nehat Kulla ndërroi jetë vetëm disa muaj pas daljes nga burgu i Fushë Krujës, ku kreu dënimin 20 vjeçar për vrasjen e Halim Gjuzit në vitin 1998 në Golem, shoferi i ish-ministrit të Brendshëm, Halit Shamata.

Ai e mori epitetin gjenerali pasi në 1997 grabiti një kamionçinë ushtarake tip Shevrolet (Chevrolet) me targa ushtrie dhe sinjale policie dhe mbante veshur uniformë ushtarake.

Të paktën, atë kohë, i vetmi mjet i tillë që ndodhej në Shqipëri i përkiste Kullës, i cili madje ka pozuar për mediat me uniformë dhe kallashnikov në dorë.

Ai shoqërohej gjithmonë nga një eskortë e armatosur.