Turqia është goditur sot nga një tërmet me magnitudë 5.7 ballë.
Lëkundjet kanë ndodhur në provincën Bingol, në lindje të Turqisë.
Si pasojë janë lënduar tre persona dhe është rrëzuar një kullë ushtarake.
Sipas agjencisë së lajmeve Reuters, lajmi është konfirmuar dhe nga ministri i brendshëm turk Suleyman Soylu.
Përmes rrjetit social Twitter ai ka njoftuar se një roje e sigurisë kishte ngecur nën rrënojat e kullës së vëzhgimit, ndërsa ty të tjerët pësuan lëndime të lehta trupore.
Drejtoria e Menaxhimit të Fatkeqësive (AFAD) ka bërë të ditur se epiqendra e tërmetit ishte në rrethin Karliova të provincës Bingol.
