Shenjestra e atentatit të ndodhur në Bulqizë ka qenë biznesmeni i njohur i zonës Gëzim Balla.
Balla është qëlluar me të paktën 5 plumba, ndërkohë që ka qenë në lëvizje. Personi që ka qëlluar dyshohet të ketë njohje me biznesmenin. Nga ky atentat nuk ka asnjë person të lënduar, ndërsa shkaku tij dyshohet të jetë një gjobëvënie.
Policia ka arritur të identifikojë atentorin dhe i është vënë në ndjekje. Ka qenë ky person, që i ka kërkuar Ballës një shumë prej 10 mijë eurosh.
Biznesmeni Gëzim Balla njihet në zonë si sipërmarrës në fushën e ndërtimit. Kohët e fundit firma në pronësi të tij ka marrë një tender nga Bashkia e Bulqizës për ndërtimin e 2.2 kilometra rrugë, Fushë-Bulqizë – Kodra e Danit. Prej tre ditësh ka nisur puna për ndërtimin e kësaj rruge.
