Kryetari i Partisë Demokratike, Lulzim Basha, nëpërmjet një shënimi në ‘twiter’, ka kritikuar kryeministrin Rama për situatën ekonomike në vend.
Basha shkruan se taksimi Rama, duke iu referuar taksës progresive’, ka zbrazur xhepat e shqiptarëve, ka rritur çmimet dhe ka ulur fuqinë blerëse. Të gjitha këto sipas Bashës e kanë çuar ekonominë drejt shkatërrimit.
“Taksimi “Rama” zbrazi xhepat e shqiptarëve, rriti çmimet, uli fuqinë blerëse, falimentoi bizneset dhe solli shkatërrimin e ekonomisë në çdo hallkë të saj. Raporti i FMN mbështet atë që PD do bëjë realitet: taksimin e thjeshtë dhe transparent. Taksa e sheshtë 9% dhe plani ynë ekonomik do të inkurajojë investimet e brendshme dhe të huaja, do të nxisë punësimin dhe do të rrisë fuqinë blerëse. Shqipëria në punë, mirëqenia për shumicën dhe jo një pakicë, do të jetë realitet i prekshëm për të gjithë! #ditemetemira,”-shkruan Basha.
