LIGJET E BIZNESIT
Pak minuta më parë, ambasadorja e SHBA Yuri Kim ka dhënë një deklaratë për mediat pas përfundimit të takimit 4 orësh me përfaqësuesit e Këshillit Politik në lidhje me reformën Zgjedhore.
Ndërkaq, ambasadorja Kim u shpreh se sot ka qenë një ditë e gjatë diskutimesh, por palët kanë bërë përparime.
“Ka qenë një ditë e gjatë dhe e vështirë por është bërë përparim. Kjo ka qenë një dëshirë e të gjitha palëve të përfshira. Të gjithëve u është kërkuar që të japin në mënyrë që Shqipëria të fitojë. Shqipëria, aleati ynë është në një fazë kritike të historisë së saj. 25 marsi ishte një pikë kthese. Ishte një votë për të ardhmen e Shqipërisë në Europë. Sikurse jeni në dijeni, BE ka vendosur një sër kushtesh për negociatat. Mes tyre ëhstë Reforma Zgjehdore e ODIHR”, tha ambasadorja e SHBA, ndërsa tha se një takim tjetër do të zhvillohet dhe nesër.
Yuri Kim tha se palët nuk duhet të këmbëngulin në kërkesa që ODIHR thotë se nuk mund të bëhen.
“Qëllimi ynë sot dhe nesër, se do ritakohemi nesër, është se Shqipëria do përmbushi rekomandimet e ODIHR që të jetë anëtar me të drejta të plota në BE. Nëse konsensusi për këto pika për të cilat ODIHR ka thënë nuk arrihet, palët nuk duhet të vazhdojnë më me këto kërkesa. Sikurse e kam thënë, ne duam që Shqipëria të jetë në Europë. Kjo është dëshira e SHBA dhe e shqiptarëve. Ne do të bëjëm gjithcka që kjo të arrihet”, përmbylli Ambasadorja e SHBA në Tiranë Yuri Kim.
