Ditën e sotme do të zhvillohet mbledhja e Këshillit Kombëtar të Integrimit, ku presidenti Meta është ftuar të marrë pjesë.
Mirëpo aty do të jetë i pranishëm dhe kryeministri Edi Rama.
Të njohur tashmë si kundërshtarë politikë, mesa duket për një moment ata i janë rikthyer ‘dashurisë’ midis tyre.
Edhe pse e pabesueshme fillimisht, ata janë shfaqur të buzëqeshur teksa i japin “bërrylin” njëri-tjetrit si masë parandaluese edhe për përhapjen e COVID19.
E duket se ky veprim ka ngazëllyer pa masë dhe kryeparlamentarin Gramoz Ruçi, i cili duket se i ka dhënë bekimin me buzëqeshjen e tij, dyshes më të fuqishme politike sot në Shqipëri.
