Superligë tenisi apo teatër? Partizani shënon sa për të gjithë fazën

Edhe para pandemisë nuk kishte shumë vend që në Shqipëri të flitej për futboll dhe garë të pastër. Por ajo që po ndodh në superligën shqiptare pas ndërprerjes 3-mujore është në kufijtë e qesharakes. Lojtarë që s’paguhen, ekipe që s’marrin të drejtën televizive, tifozë që ua kanë harruar emrin lojtarëve të ekipit që mbështesin.

Dhe si për t’i vënë vulën  kësaj gjendje apatike të Superligës janë rezultatet e kësaj jave, ku ai i Partizanit me Luftëtarin në kryeqytet, sigurisht është “qershia mbi tortë”.

8-1 u mbyll ndeshja në “Selman Stërmasi” që të bën të ngresh pyetjen, ishte ndeshje tenisi apo teatër?

Këto janë dilemat pasi me futbollin një gjë e tillë shumë pak ka lidhje. Partizani, kampion i vendit një ekip totalisht i shpërfytyruar këtë sezon merr këtë fitore me Luftëtarin e rënë nga kategoria, por që vlerën e vetme mbase e ka pasur në Kinë.